البلاطات الهوردي (Hollow block slabs)

21/10/2017
البلاطات الهوردي (Hollow block slabs)
البلاطة الهوردي (المفرغة) عباره عن بلاطه سمكها صغير حوالي 5 سم ترتكز علي اعصاب عرضها 10 سم وعمقها حسب عمق البلوك المستخدم وترتكز الاعصاب علي كمرات مدفونه او ساقطه

مميزات نظام الهوردي
- تغطي بحور كبيره نسبيا تصل ال 7 متر
- السقف يعتبر خفيف مما يؤدي للتوفير في الاساسات
- عازل جيد للصوت والحراره
-  نستخدم فيها كمية خرسانه قليله وتوفر ايضا الحديد
-  فيها مرونه معماريه بسبب امكانية عدم استخدام الكمر الساقط
-  سهولة عمل الشده الخشبيه
-  هناك مرونه نسبيه فى عمل الحوائط حيث يمكن وضع الحوائط فى اى مكان فى البلاطه ذات الاتجاهين اما البلاطه ذات الاتجاه الواحد توضع فوق الاعصاب ويمنع وضعها فوق البلوك
-  مقاومه للحريق لأن الحريق يوزع على مسطح كبير
-  تقلل تأثير الصوت والحراره
- القدره على التحكم فى اتجاه سير الحمل عن طريق اتجاه الاعصاب حيث ان الاعصاب هى التى تنقل حمل البلاطه الى الكمر المدفون

عيوب نظام الهوردي
-  المرونة في الحوائط نسبية (بسبب البلوك)
-  ضعيفه فى مقاومة الرطوبه
-  لا تتحمل الاحمال الحيه العاليه مثل الفلات سلاب
-  صعب الصيانه والترميم
-  يحدث شروخ عند اتصال البلاطات المفرغة مع البلاطات الرقيقة
- ضعيف جدا بالنسبه للامطار والاحمال الديناميكيه

فكرة البلاطه الهوردى
فى حالة الابعاد الكبيره للبلاطه نحتاج الى زيادة سمك البلاطه وبالتالى الحمل الميت هيزيدوالتسليح هيزيد وهيكون  غير اقتصادى طيب ايه الحل ؟؟؟؟
الحل ان الخرسانه اسفل خط التعادل ( N.AXIS ) لا تعمل لانها منطقة شد فاحنا بنستغنى عن الخرسانه فى هذا المكان ونستبدله بالبلوكات وبالتالى الحمل يقل وايضا التسليح يقل
وهى تستخدم عندما يزداد البحر عن7متر
هناك نوعان من البلاطه الهوردى البلاطه ذات الاتجاه الواحد والبلاطه ذات الاتجاهين (البلاطة ذات الاتجاه الواحد أسهل في التنفيذ)

طرق رص البلوكات
⦁ فى حالة وجود كابولى لازم اتجاه الباكيه المجاوره يكون فى نفس اتجاه الكابولى عشان حديد الشوك يمتد فى الاعصاب ولو عكسنا لابد من وجود كمره مدفونه تشيل العصب
⦁ يفضل ان تكون الاعصاب فى الاتجاه القصير للباكيه عشان نوفر حديد ونقلل الدفليكشن
⦁ فى حالة وجود فتحه فى السقف نحط جنبها كمره مدفونه عشان نحمل الاعصاب عليها
⦁ الطول الاكبر للبلوكه (40 سم) يكون عمودى على الاعصاب
⦁ نستخدم البلوكات الاسمنتيه او الطفليه الحمراء او الفوم وتكون الابعاد 20 * 40 ثابته فى البلوكه والارتفاع هو اللى بيختلف من تصميم الى اخر
⦁ فى حالة طول ابعاد الاعصاب نقوم باضافة العصب العرضى لتقليل العزم والدفليكشن وبالتالى يقلل حديد كما انه يقاوم الانبعاج فى الاعصاب ويربط الاعصاب مع بعضها البعض
⦁ نستخدم جزء مصمت من الخرسانه ( solid part) بجانب الكمر الساقط فقط وذالك لان الكمر الساقط يتولد عليه قوى قص فلو وضعنا البلوك مباشره بجانب الكمره لا يتحمل قوى القص لذالك نضعها لمقاومة القص

التنفيذ
⦁ الخطوه الاولى نرص حديد الكمرات المدفونه
⦁ بعد عمل الكمرات المدفونه تتضح لنا معالم الباكيات ويسهل رص البلوك
⦁ الكمرات التى يساوى عرضها 40 سم او يزيد عرضها عن ارتفاعها يجب وضع كانات ذات اربع فروع بحيث المسافه بين الفرع والفرع لا تزيد عن 25 سم
⦁ اللى شايل القص فى الكمرات المدفونه هى الخرسانه لذالك لا حاجه الى التكسيح
⦁ قفل الكانه لازم يكون تبادلى لانه يعتبر وصله وبالتالى نقطة ضعف لذالك نعمله تبادلى عشان نزود المسافه بين نقاط الوصل ( الضعف ) نظريا المفروض يكون قفل الكانه فى اماكن الضغط وليس الشد ولكن هذا صعب تنفيذه فى الموقع ممكن الاستشارى يطلبه
⦁ الخطوه الثانيه رص البلوكات
⦁ لازم نستخدم مسطره ممكن تكون الواح لتزانه بعرض العصب ونرص عليه البلوكات عشان خط البلوك يكون فى خط مستقيم ونحافظ على استمراريه الاعصاب فى الباكيات المتجاوره
⦁ الكمر المدفون لا يوجد بجا نبه جزء مصمت من الخرسانه نرص البلوك ملاصق له
⦁ الكمر الساقط يكون بجواره جزء مصمت من الخرسانه لمقاومة القص
⦁ اخر بلوكه واول بلوكه فى الصف لازم تكون مغلقه عشان الخرسانه ما تدخلش جواها وبالتالى الوزن هيزيد وهنهدر فى الخرسانه

الاعصاب
⦁ في غلطه شهيره وهى ان معظم المواقع بتخلى ارتفاع حديدها بمساواة البلوك وحديد البلاطه بيتحمل عليها مع ان الكود له راى اخر لانها بهذه الطريقه تقلل العمق الفعال للعصب
 الصح اننا نحافظ فى العصب على كفر تحت بوضع البسكوت ونسيب كفر فوق 2.5 سم وندكك حديد البلاطه داخله
⦁ من التفصيله نجد انه فيه كفر فوق البلوك يعنى هنحتاج نرفع الحديد مسافة الكفر

كانات العصب تكون مغلقه ولا مفتوحه ؟
⦁ الكانه المغلقه هى الافضل لانها تقاوم معانا لو فيه torsion على القطاع
⦁ لو المنطقه زلزاليه المغلقه الافضل
⦁ لو العصب هيتحمل بحائط المغلقه الافضل
⦁ لو العصب مستمر هيكون فيه حديد علوى هيقاوم العزم السالب فهنعلقه فيها تسليح البلاطه

تسليحها بيكون تقريبا 5Ø8 فى الفرش و 4Ø8 فى الغطا بنحط واحده على البلوك وواحده على العصب لانها بتقاوم معانا فى الدفليكشن

حساب عدد البلوكات
 بالخبره عدد البلوكات = مساحة السقف * 7 ... او حجم البلوكات = 1/3 حجم السقف
ونجيب حجم البلوكه الواحده ونقسم الحجم الكلى علي حجم الواحده نجيب العدد
⦁ بالحسابات نجيب كل باكيه ونحسب العدد اللى فيها ونجمع بكل سهوله

العصب العرضى
بيكون متشال على الاعصاب انا باستفيد من قطاعه الخرسانى
فى حالة استخدام الفوم استخدم شبك اللياسه عشان وانا بشطب السقف المحاره تمسك فيه
ومن أهم مميزاتها :
- تغطي بحور كبيره تصل ال 7 متر
- السقف يعتبر خفيف مما يؤدي للتوفير في الاساسات
- عازل جيد للصوت والحراره
- نستخدم فيها كمية خرسانه قليله وتوفر ايضا الحديد
وظائفوظائف خاليةوظائف للمهندسينمطلوب مهندسينمطلوب مهندسين حديثي التخرجوظائف شركة مقاولاتوظائف مكتب استشاريمطلوب مهندسين مكتب فنيفرص عملمنح دراسيةتعليم اللغة الانجليزية